Молитвы и каноны, чтомые по усопшим - Сборник

Припев: Святы́й мучениче Уа́ре, моли Бо́га о нас.

О Бозе да возможеши, Уа́ре славный, Богоприятными твоими молитвами восприяти и излияти милости, я́же до конца оныя отчужде́нным, Един бо есть щедрот и милосердия Родитель, и вся Ему возможна я́ко Владыце, к Нему же неотступно, страдальче, моли́ся прости́ти и поми́ловати я́же от нас воспоминаемыя.

Припев: Святы́й мучениче Уа́ре, моли Бо́га о нас.

Дело соверши преди́вно, о великомучениче, и славе твоей прикладно, еже от Господа прощение и праведнаго Его гнева премене́ние испроси́ти огорче́нным те́мнаго злове́рия ра́ди на́шим прародителем и е́же сих, в горести и во ожидании лютейших сущих, да возмеши в безстрашное избавление, иде́же ве́си Владыка проще́нный положи́ти.

Сла́ва: И кое у́бо чудо явится сего дивне́йши, кая сла́ва знамени́тейши, и кое милосердие таковаго бо́льши, аще ты, мучениче, сожалев, умолиши ми́лостиваго Господа отпустйти грех нечестия я́же от нас поминаемых, и лютаго томления оных избавити.

И ны́не: Владычице милостивая, человеколюбивая и зло не помнящая, приими́ жалость нашего прошения и ходатайствуй неотступно о милости к милостивому Твоему Сы́ну и Владыце, е́же поми́ловати и прости́ти грех инославия умершим сродником на́шим и я́же с ними помянутым, отпущение и место сим милости неотъемлемо подати.

Панихида для чтения мирянами дома и на кладбище

Моли́твами святы́х отец наших, Го́споди Иису́се Христе́ Бо́же наш, поми́луй нас. Ами́нь.

Святы́й Бо́же, Святы́й кре́пкий, Святы́й безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не, и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не, и при́сно, и во ве́ки веко́в. Ами́нь.

О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искушение, но изба́ви нас от лука́ваго.

Го́споди, поми́луй. (12 раз)

Сла́ва Отцу́ и Сы́ну и Свято́му Ду́ху, и ны́не, и при́сно, и во ве́ки веко́в. Ами́нь.

Прииди́те, поклони́мся Царе́ви на́шему Бо́гу. (Поклон)

Прииди́те, поклони́мся и припаде́м Христу́, Царе́ви на́шему Бо́гу. (Поклон)

Прииди́те, поклони́мся и припаде́м Самому Христу́, Царе́ви и Бо́гу на́шему. (Поклон)

Живы́й в по́мощи Вы́шняго, в кро́ве Бо́га небе́снаго водвори́тся. Рече́т Го́сподеви: засту́пник мой еси́ и прибежище мое́, Бог мой, и упова́ю на Него́. Я́ко Той избавит тя от сети ловчи, и от словесе́ мятежна. Плещма Свои́ма осенит тя, и под криле Его наде́ешися, оружием обыдет тя истина

Его. Не убои́шися от страха нощнаго, от стрелы летящия во дни, от вещи во тьме преходящия, от сряща и беса полуденнаго. Паде́т от страны твоей тысяща, и тьма одесную тебе, к тебе же не прибли́жится. Оба́че очи́ма твои́ма смотриши и воздаяние грешников узриши. Я́ко Ты, Го́споди, упование мое́; Вы́шняго положил еси́ прибежище твое́. Не прии́дет к тебе зло, и рана не прибли́жится телеси́ твоему. Я́ко Ангелом Своим запове́сть о тебе, сохрани́ти тя во всех путе́х твоих. На руках возмут тя, да не когда преткне́ши о камень ногу твою. На аспида и василиска наступиши, и попере́ши льва и змия. Я́ко на Мя упова́, и избавлю и́: покрыю и́, я́ко позна и́мя Мое́. Воззове́т ко Мне, и услышу его, с ним есмь в скорби, изму́ его и прославлю его, долготою дней исполню его и явлю ему спасение Мое́.

Сла́ва Отцу́ и Сы́ну и Свято́му Ду́ху, и ны́не, и при́сно, и во ве́ки веко́в. Ами́нь.

Аллилу́ия, аллилу́ия, аллилу́ия, сла́ва Те́бе, Бо́же. (Трижды)

Го́споди, поми́луй. (Трижды)

Стих 1: Аллилу́ия, аллилу́ия, аллилу́ия.

Припев: Аллилу́ия, аллилу́ия, аллилу́ия.

Стих 2: Блажен, его́же избрал и приял еси́, Го́споди

(или: Блаже́на, ю́же избрал и приял еси́, Го́споди,

или: Блаже́ни, я́же избрал и приял еси́, Го́споди).

Припев: Аллилу́ия, аллилу́ия, аллилу́ия.

СтихЗ: Память его (ей, их) в род и род.

Припев: Аллилу́ия, аллилу́ия, аллилу́ия.

Стих 4: Душа его (ея) во благих водвори́тся

(или: Души их во благих водворятся).

Припев: Аллилу́ия, аллилу́ия, аллилу́ия.

Глубиною мудрости человеколюбие вся стро́яй, и полезная всем подаваяй, Еди́не Соде́телю, упокой, Го́споди, ду́ши раб Твои́х, на Тя бо упование возложи́ша, Творца и Зиждителя и Бо́га нашего. (Дважды)

Сла́ва Отцу́ и Сы́ну и Свято́му Ду́ху, и ны́не, и при́сно, и во ве́ки веко́в. Ами́нь.

Богородичен: Те́бе и стену, и пристанище и́мамы, и моли́твенницу благоприя́тну к Бо́гу, Егоже родила еси́, Богоро́дице безневе́стная, верных спасение.

(поется на 2-й глас или читается)

1 Блаже́ни непорочнии в путь, ходящий в законе Господни.

Припев: Помяни, Го́споди, ду́ши раб Твои́х (ду́шу раба́ Твоего́, рабы Твоея)[8].

2 Блаже́ни испытающии свпде́нпя Его, всем сердцем взыщут Его,3 не делающий бо беззако́ния, в путе́х Его ходйша. 4 Ты заповедал еси́ заповеди Твоя́ сохрани́ти зело.5 Дабы исправилися путие́ мой, со хранйти оправдания Твоя́. 6 Тогда не постыжуся, внегда призре́ти ми на вся заповеди Твоя́. 7 Испове́мся Те́бе в правости сердца, внегда научи́ти ми ся судьбам правды Твоей.8 Оправдания Твоя́ сохраню, не оста́ви мене до зела.9 В чесом исправит юне́йший путь свой? Внегда сохрани́ти словеса Твоя́.10 Всем сердцем моим взысках Те́бе, не отри́ни мене от заповедей Твои́х. и В сердце мое́м скрых словеса Твоя́, я́ко да не согрешу Те́бе.12 Благословен еси́ Го́споди: научи мя оправданием Твоим. 13 Устнама мои́ма возвести́х вся судьбы уст Твои́х. 14 На пути свиде́ний Твои́х насладйхся, я́ко о всяком богатстве. 15 В заповедех Твои́х поглумлюся, и уразумею пути Твоя́. 16 Во оправданиих Твои́х поучуся, не забуду словес Твои́х. 17 Воздаждь рабу Твоему: живи мя, и сохраню словеса Твоя́.18 Открый очи мой, и уразумею чудеса от закона Твоего́. 19 Пришлец аз есмь на земли́: не скрый от мене́ заповеди Твоя́.20 Возлюби душа моя возжелати судьбы Твоя́ на всякое время.21 Запретил еси́ гордым: проклята уклоняющии́ся от заповедей Твои́х. 22 Отъимй от мене́ понос и уничижение, я́ко свиде́ний Твои́х взысках. 23 Ибо седоша князи, и на мя клеветаху, раб же Твой глумляшеся во оправданиях Твои́х: 24 ибо свиде́ния Твоя́ поучение мое́ есть, и сове́ти мой оправдания Твоя́. 25 Прильпе́ земли́ душа моя: живи мя по словесй Твоему. 26 Пути моя возвести́х, и услышал мя еси́: научи мя оправданием Твоим:27 Путь оправданий Твои́х вразуми ми, и поглумлюся в чудесе́х Твои́х.28 Воздрема душа моя от уныния: утверди мя в словесе́х Твои́х.29 Путь неправды отстави от мене, и законом 1 воим поми́луй мя. 30 Путь истины изволих, и судьбы Твоя́ не забых. 31 Прилепи́хся свиде́нием Твоим, Го́споди, не посрами мене́. 32 Путь заповедей Твои́х текох, егда разшири́л еси́ сердце мое́. 33 Законоположи́ мне, Го́споди, путь оправданий Твои́х, и взыщу и́ выну: 34 Вразуми мя, и испытаю закон Твой, и сохраню и́ всем сердцем моим. 35 Настави мя на стезю заповедей Твои́х, я́ко тую восхоте́х. 36 Приклони сердце мое́ во свиде́ния Твоя́, а не в лихоимство. 37 Отврати очи мой, е́же не вйдети суеты, в пути Твое́м живи мя. 38 Постави рабу Твоему слово Твое́ в страх Твой.39 Отъимй поношение мое́, е́же непщевах: я́ко судьбы Твоя́ благи.40 Се возжелах заповеди Твоя́, в правде Твоей живи мя.41 И да прии́дет на мя милость Твоя́ Го́споди, спасение Твое́ по словесй Твоему. 42 И отвещаю поношающым ми слово: я́ко уповах на словеса Твоя́.43 И не отъими́ от уст моих словесе́ истинна до зела, я́ко на судьбы Твоя́ уповах.44 И сохраню закон Твой выну, в век и в век века.45 И хождах в широте, я́ко заповеди Твоя́ взысках.46 И глаголах о свиде́ниих Твои́х пред цари, и не стыдяхся: 47 И поучахся в заповедех Твои́х, я́же возлюби́х зело. 48 И воздвиго́х руне мои́ к заповедем Твоим, я́же возлюби́х, и глумляхся во оправданиих Твои́х.49 Помяни словеса Твоя́ рабу Твоему, и́хже упование дал ми еси́. 50 То мя уте́ши во смирении мое́м, я́ко слово Твое́ живи мя. 51 Гордии законопреступоваху до зела: от закона же Твоего́ не уклони́хся.52 Помянух судьбы Твоя́ от века, Го́споди, и уте́шихся.53 Печаль прият мя от грешник, оставляющих закон Твой.54 Пета бяху мне оправдания Твоя, на месте пришельствия моего. ээ Помянух в нощи и́мя Твое́, Го́споди, и сохранйх закон Твой.56 Сей бысть мне, я́ко оправданий Твои́х взысках.57 Часть моя еси́, Го́споди, рех сохрани́ти закон Твой. 58 Помолйхся лицу Твоему всем сердцем моим: поми́луй мя по словеси Твоему.59 Помыслих пути Твоя́, и возврати́х нозе мой во свиде́ния Твоя́.60 Уготовихся и не смути́хся сохрани́ти заповеди Твоя́.61 Ужя грешник обязашася мне, и закона Твоего́ не забых.62 Полунощи востах испове́датися Те́бе о судьбах правды Твоей.63 Причастник аз есмь всем боящымся Те́бе, и хранящым заповеди Твоя́.64 Милости Твоей, Го́споди, исполнь земля: оправданием Твоим научи мя.65 Благость сотворил еси́ с рабом Твоим, Го́споди, по словесй Твоему. 66 Благости, и наказанию и разуму научи мя, я́ко заповедем Твоим ве́ровах. 67 Прежде даже не смирйти ми ся, аз прегреши́х: сего ра́ди слово Твое́ сохранйх. 68 Благ еси́ Ты, Го́споди, и благостию Твоею научи мя оправданием Твоим. 69 Умножися на мя неправда гордых, аз же всем сердцем моим испытаю заповеди Твоя́.70 Усыри́ся я́ко млеко сердце их, аз же закону Твоему поучйхся. 71 Благо мне, я́ко смирил мя еси́, я́ко да научуся оправданием Твоим. 72 Благ мне закон уст Твои́х, паче тысящ злата и сребра. 73 Руце Твой сотвори́сте мя, и создаете мя: вразуми мя, и научуся заповедем Твоим.74 Боящии́ся Те́бе узрят мя и возвеселятся, я́ко на словеса Твоя́ уповах. 75 Разуме́х, Го́споди, я́ко правда судьбы Твоя́, и вои́стинну смирил мя еси́. 76 Буди же милость Твоя́, да утешит мя по словеей Твоему рабу Твоему.77 Да прийдут мне щедроты Твоя́, и жив буду, я́ко закон Твой поучение мое́ есть.78 Да постыдятся гбрдии, я́ко неправедно беззако́нноваша на мя, аз же поглумлюся в заповедех Твои́х. 79 Да обратят мя боящии́ся Те́бе, и ве́дящии свиде́ния Твоя́.80 Буди сердце мое́ непорочно во оправданиих Твои́х, я́ко да не постыжуся. 81 Исчезает во спасе́ние Твое́ душа моя, на словеса Твоя́ уловах.82 Исчезоша очи мой в слово Твое́, глаголюще: когда уте́шиши мя.83 Зане́ бых я́ко мех на слане: оправданий Твои́х не забых. 84 Коли́ко есть дней раба́ Твоего́? Когда сотвори́ши ми от гонящих мя суд? 85 Пове́даша мне законопреступницы глумления, но не я́ко закон Твой, Го́споди. 86Вся заповеди Твоя́ истина: неправедно погнаша мя, помози́ ми.87 Вмале не скончаша мене́ на земли́: аз же не оставих заповедей Твои́х. 88 По милости Твоей живи мя, и сохраню свиде́ния уст Твои́х. 89 Во век, Го́споди, слово Твое́ пребывает на Небесй.90 В род и род истина Твоя́. Основал еси́ землю, и пребывает. 91 Учине́нием Твоим пребывает день, я́ко всяческая рабо́тна Те́бе.